ماتتنازلش عن حلمك
لو حسيت انك ضعيف وعاجز
وانت لسه فى عز قوتك
ماتخليش ضعفك يكسرك
وتعيش بس تنعل دنيتك
اتمرد على ضعفك ويأسك
أصلب طولك وجدد سكتك
امشى الطريق للآخر
أجرى ورا الحلم وسافر
اقع وقوم وحدك عافر
واستمد من ضعفك قوتك
ماتتنازلش عن حلمك
حاول وابحث عن ذاتك
هيقبلك ناس تسخرمنك
وناس بتسعه لإحباطك
امشى ماتبصش وراك
احلم وحدد أهدافك
واصنع من الأمل سفينه
ونشف ايدك على مكدافك
هدفك أكيد هتوصله لو واثق
من نفسك ومصدق حلمك
ومرتفعه معنوياتك
ومن اول الرحلة لاخرها
استفيد واتعلم عيش بتتعلم
تفضل معلم طول حياتك
ليست هناك تعليقات:
إرسال تعليق