غطينى يا ما بالكفن
ومتزعليش.
أصل الشهادة
جايزة حلوة متخفيش.
شوفى ياما بسمتى
على وشى حلوة اد ايه
أمانة يا ما متعيطيش.
لو حد قالك صوتى
عليه يا ما متصوتيش.
الليلة فرحة
والنهاردة أنا العريس .
زغردى قيدى الشموع
وكفاية ياما صوت النحيب
ه يفيد ب إيه شلال دموع.
شوفى ابتسماتى
على وشى
مرسومة ازاى وافرحى.
أنا ممتش يا حبيبتى
انا لسه صاحى
بس مكانى مش هنا
مكانى فوق
جنب الصحابة
جنب الحبيب مطرحى.
نشفى دموعك
يا غالية كتير عليه.
الحكاية خرجت من إديه .
بس كل اللى أنا كنت عاوزه
إنى أكون مشروع شهيد .
قلبى يالا ف دفاترى
ه تعرفى .
وكمان ياريت تشوفى
دمعات عيونى
على مصحفى.
غطينى يا ما بالكفن
ومتزعليش.
ده انا وطنى
زيه ابدا مفيش.
وانا لازم امشى
عشان ناس كتير
تقدر تعيش.
بقلمى
سلوى على محمد
ليست هناك تعليقات:
إرسال تعليق