وناس وناس. 12/1/2016
.................
ناس وناس في دنيتنا
عارفين أسرارنا وحكايتنا
يموت القلب لو غابوا
وهان عليهم ....عشرتنا
........
وناس تتمنى خطاوينا
ونبعد عنهم بإيدينا
بنجرحهم ومش قاصدين
وما نشوفهمش.. بعنينا
........
ناس تعدي ما تسلم
وناس بسكوتها تتكلم
وناس لو لقيوا لحظة حب
تسرق قلوبنا.... ما تعلم
.........
وناس قلوبها مليانه
بطعم الحب عمرانه
وناس لو جيت تحاسبها
أعمالها طالعه.. خسرانه
..........
وناس في الفقر عايشه
وناس في طريقها ماشيه
وناس في ليل شتاها
في عز البرد... سهرانه
..........
وناس في حياتنا كدابه
وناس في اللسته متسابه
يمكن بكرة يجيها الدور
وأهي دنيا دايره.. بغرابه
...........
وناس حسدانا في كلامنا
وناس بتسرق أحلامنا
ولا بيهمها ........ أخره
ولا حساب يوم القيامه
ناس وناااااس في دنيتنا
....................
بقلمي/حمدي رمضان.ابوعمروالريشي
ليست هناك تعليقات:
إرسال تعليق