{صعبه الحياه}
صعبه الحياه كده ليه
والعيشه بقت حنضل
والمر زاد في الحلق
كلاكيت ب يتكرررر
فرحه سنيني تغيب
واقول ف إلكتاب مكتوب
صفحه تجيب صفحه
متسطر آهات واحزان
وخط مش مستقيم مقلوب
وعمر عدي وجري
وانا بين سطوره يادوب
يشيلني ويحطني
والدنيا بتكمل
تقولش إتفاق بينهم
ولابد انا اتحمل
الدمعه بتزور عيوني
وتحلف ماهي ماشيه
ابوس نهر وجعيك
إمشي خفي بقي عليا
شوف لك يادمع مكان
غير عيني تسكن فيه
انا والوجع أصحاب
والفرح بحلم بيه
ليست هناك تعليقات:
إرسال تعليق