مش عشان
الموت امان
و النهاردا زى بكره
و اللى جاى شبه اللى كان
يبقى طعم المر فينا
يخنق الضحكة الحزينة
و الالم يصبح مدينة
فيها كل العمر خان
مش عشان
ارواح بتقسى
و الليالى بقت بتنسى
و اللى راح ما رجعش لسه
ينتحر فينا الزمان
مش عشان
الصبح خايف
و الكلام الصح هايف
و العسل ف لساننا جايف
يبقى نسجد للى هان
مش عشان
بيعلى صوته
و اللى يتكلم يشوطه
و الجميع مطلوب سكوته
يبقى نقفل ع الادان
ليست هناك تعليقات:
إرسال تعليق