محمود المزين يكتب ...

(حب إقطاعى )

ومن تانى
هقول راجعة
وهكتبلك كلام حصرى
هحط ايدينك الناعمة
فى محيط خصرى
وهفتح للهوى بابى
يا أول شيخ فى كتابى
كتبلى الهجر والمواويل
وعلمنى السهر فى الليل
يا أحلى أذان فى محرابى
ولو نزلت عليك دمعة
فانا راجعة
انور تانى مية شمعة
انا خاضعة
لحكمك حتى لو قاسى
يا مصباح نور ونبراسى
كلامك كله فوق راسى
أنا سامعة
لكن قبل أما تتكلم
هقولك حاجة من نفسى
أنا فى البعد باتألم
وجيتلك تانى من نفسى
ومن بعد البعاد بارسم
طريق يجمع ما بين اتنين
حبيبى أمانة تتبسم
ده أنا عايشة ما بين خيارين
يا اسيبك زى ما رميتنى
وأطاوع عقلى ودماغى
يا أجيلك بعد ما نسيتنى
وأزود حجم أوجاعى
حبيبى خلاص ما فيش داعى
أنا راضية بأى عقاب
وهرجع رغم أنا اللى اتساب
ولو كان الغرام كداب
هحبك حب إقطاعى

#محمود_المزين