معوض حلمي يكتب ...

{ قالت ياعيب الشوم }
________________

ركبت فلوكة يوم بالليل
نزلت أصطاد سمك
ف النيل
وكان   القمر    قنديل
برمي  بإيدي   الشبك
وأغنى   بالمواوويل
طلعت لي عروسة النيل
ماشيه   على    الميه
شعرها نازل كما الليل
  سألتني    بحنيه
وانا ماشي على النيه
مال   الجدع   مهموم
صوتك  بيغني  هموم
قولتلها  طبع   البشر
خلى  الهموم  بالكوم
الكره   بينا    وانتشر
زود   همومي هموم
هوانا    أصبح     دم
والموت  قدر  محتوم
ننام  ونصحى  ف غم
قالت  ياعيب   الشوم
دا  اللمه  خيرها يعم
تطرح  أمانها ف يوم
والحب   حضن    يلم
تلقى  السعادة تدوم
حتى السمك ف اليم
يملى  الشبك بالكوم
ياكره    روح   واتلم
قلب  الجدع  مكظوم
خلي     عندك     دم
إرحل   جفانا   النوم
وخد    معاك    الهم
تطرح   سمانا   نجوم
وتزول  غيوم  الوهم
نطير ف السما ونحوم
نرمي همومنا  بسهم
يجي  الفرح  مرسوم
وندرن    على   ياعم
لاجل  السعادة  تدوم
ويزول    كمان  الهم
هاصلي فرضي واصوم

هاصلي فرضي واصوم
________________
بقلمي  ..
معوض حلمي
منشأة بطاش
تمي الأمديد
دقهلية