شعر / محمد رضوان
وج_____________________ع
وجع القلوب مش بالساهل يا بشر
وجع من كل شيء
علي ايه حروب قايمه بينا .. هو احنا بقر
فين عقولنا .. فين ضميرنا .. بقينا في خطر
غنينا للحضارة كام الف سنة
وكتبنا اشعار عن نعيم وانهار
اتاري الغل في قلوبنا كله كذب و مكر
ضحكنا علي شعوبنا بكلمة وطن
وعلم يرفرف وقت الحروب والمحن
وسلام يا بلدي عليكي من كل شر
قايمة الحرب علينا من كل مكان
مش من عدو خاين وجبان
ولا شعار أعداء الوطن
من ناس وثقنا فيهم .. سلمنا اروحنا ليهم
اتاري تحت الوشوش .. وشوش غجر
عطشانه للدم والتهجير والسفر
عايزين الوطن ليهم
والشعب يرموه في البحر
عايزين خيره في أيديهم
والشعب كمان ينتحر
ليبيا ضاعت بجهل حاكم غبي
سلم بلاده لعدو اجنبي
ودواعش فيها بتكبر وتقتل باسم النبي
سوريا بتتقسم سني وشيعي
الحرب فيها قايمة علي مذهبي
وشعبها اتهجر في كل مكان علي كوكبي
والعراق فيها نكبه تقدر تقول نكسة
كل قرار عايز من أمريكا جلسه
والسودان جنوب وشمال قالوا اتحرر
العيشة جواه طعمها مرر
فقر وجهل وخيبة كل مره تتكرر
وفلسطين يا عيني تايها
لا هي بلد ولا وهي هيئة
منظمة بمكن علي الأرض باقية
وإسرائيل علي نحرها ناوية
تخنق فيها وفي ولادها
وتهد في القدس بمليون حجة
والخليج بيخلص من أرضه نفطه
ومسلم للعالم والعالم رفضه
ومصر أم العروبة متحاوطة
شمال وجنوب وشرق وغرب
إرهاب جواها ببنهش زي الكلب
بيموت في جيشها وييتم أطفالها
وجيشها الوحيد باقي رافع علمها
ليست هناك تعليقات:
إرسال تعليق