ايوا ياستي وربي بحبك
بدعي اسكن جوا فقلبك
بدعي يكونلي نصيب فهواكي
وافضل عايش عمري جمبك
عاشق قلبي كل ما فيكي
بسمه بتطلع من شفتيكي
ايوا بغير والله كمان
من رمشك لو خبي عنيكي
اعمل ايه من حبي بغير
بتجنن وعقلي يطـيـــر
ايو بغير حتي من النسمه
لما عليكي برقه تميــل
بحلف ليكي بألف يمين
ان حبــك فيــا كبيــــر
وان اللحظه لما تغيبــي
بتعدي علي قلبي سنين
قبلك كنت عايش حيران
زي التايه فــي الايــام
فجأه لما اواني مرساكي
عشت فحضنك احلي امان
كل الدنيا بتحلا بيكــي
لما بيضحك نــن عنيكي
لما تطل الضحكه منــك
تشرق شمس البسمه بيكي
انتي حبيبتي احلي ملاك
طيب ولا يعرفــش هلاك
انتي نهر الحب الجاري
انفاسي في الدنيا هواك
انتي الجنه وانتي النور
انتي المسك واحلي عطور
دنتي لما تغيبي عني
قلبي بيحتج وبيثور
مهما قولت عمري ماوصف
حبي ليكي وعشق هواك
قبلك كنت طير مجروح
خف لما نادتله سماك
ايوا ياستي وربي بحبك
وحدك اللي انا بتمناك
ليست هناك تعليقات:
إرسال تعليق