---==>>> {{{ هديتي الك }}} <<<==---
*-----*-----*-----*-----*-----*-----*-----*-----*
بكلمة عتب مجروح ببدا مطلعي
---===>>> والقلم حرقة اه يكتب مدمعي
لاراح تناديني تعا ولابقلك تعي
---===>>> عرفان فات الوقت صعبة ترجعي
عرفان فات الوقت ياغالية عليي
---===>>> ركبتي عنادك قصد ومابتتراجعي
ماعرفت شو صار تانسيتي الحنية
---===>>> ياما نصحت كتير وماكنتي تسمعي
لاتسالي بدمعة شو عملت فيي
---===>>> اسالي حالك قبل شو عملتي معي
سكنتي القلب والروح خبيتك بعينيي
---===>>> عشقتي عامالو كذب ليش بتطمعي
كنت اكتب لعينك كل يوم غنية
---===>>> ليش صرتي عاقصور النصب تتطلعي
كنتي تقولي اخ تنزل دمع عينيي
---===>>> وبين حروف الغزل ترتكي وتتربعي
كوخ الهنا بنيتو منحوت بايديي
---===>>> وانتي بقصر وجاه تتمختري وتتمتعي
اوعي بفكرك انف يعلى عليي
---===>>> انا بالعرق والعز مبخر موضعي
بخطوبة للغرب راح قدم هدية
---===>>> هديتي نصيحة الك للكرامة ودعي
هوي اشتراكي بمال وسلب حرية
---===>>> بكرى بسجن الندم راح تتوجعي
انا عملتك انا قمتك بتصير مسوية
---===>>> زهور الندم بالبيت بدك تزرعي
مع صوت الطرب بنطر للفجر صبحية
---===>>> واصرخ مع ابو فادي يادنيا وسعي
بعدك حبيب الروح وغالية عليي
---===>>> ولسا شوية وقت لو تتراجعي
******************************************
بقلمي .. الشاعر السوري المهجري .. اليان سمعان
ليست هناك تعليقات:
إرسال تعليق