محمود المزين يكتب ...

(أجمل م  الخيال )

اعذرينى لو حكيت
للدنيا عنك
ما انتى اصلك سابقة سنك
ابتسامتك البريئة
احلى صورة فى ضى ننك
نفسى أكونلك حتة منك
حتة أقرب ليكى منك
زى أخوكى أو أبوكى
أو حبيب من صغر سنك
المهم بجد انك
حاجة أجمل م الخيال
لما باحكى فى مرة عنك
الجمال بيقول محال
انك انتى فى الوجود
الكلام عدى الحدود
يا أم طرحة خمار وشال
انتى شىء مش فى المجال
لما بتسوقى الدلال
النجوم واقفة انتباه
والقمر يرسم آمال
انه يبقى فى حسنه زيك
او حتى نقطة فى بحر ضيك
يبقى فله ويبقى عال
يا أم عين غاوية احتلال
ارحمى قلبى الضعيف
اربطى بينكم حبال
كان شتايا يبقى صيف
لما أضمك فى الخيال
نفسى اضمك فى الحلال
تبقى ليا ست بيت
وابقى ليكى ابو العيال
نفسى لو مرة صحيت
ابقى جنبك مش خيال
نفسى مرة او يا ريت
لو مجرد احتمال
يجمعنا سقف حطيان وبيت
أصلك أجمل م الخيال

#محمود_المزين