قلي يا حلو شو السر؟
لما ع قلبي يا حلو بتطل
بيصير قلبي بيعزف غناني
وينشر مواسم حلا وعطر وفل
شو السر؟!
لما بتمرق الغيمات
وبتغزل عيون الشمس غنيات
وبيفتح عمر الشعر على كتافي
قصايد عيونك وبيرتل مواويل
وهاك الصبية بتنده بقلبي
حلك بقى يا حلوة القلب تكبري
حلك ع زندو تفرشي عطر بسماتك
وتطرزي على بساتين صدرو
دفا نهداتك
وتغفى ع كتفو دمعة الأشواق
ومن عيونك ينزلوا النجمات
ودقات صدرك ع صدرو
توصل المية
وزندو هالأسمر يلفلف مواسم العناب
ويعرش عمر الربيع الداير
فوق قمارهاك الدار
ومن بعدها شو بتحلا يا حلو
معك الخبار
وبيضل السر بيسر لعيونك
وبيسأل سرك هالحلو
شو السر؟!
رانيه سعيد\\سورية
ليست هناك تعليقات:
إرسال تعليق