قصيدة:{عايز إعلام كيف؟وكم؟}
للدكتور/خالدعبدالحميدخربوش
دكتوراه فى الآداب/إعلام/صحافه
٠٠٠٠٠٠٠٠٠٠٠ ٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عــايـز إعـلام كـيف؟وكـم؟
لشئون بلدى يكون مهتم
مش بيرُص.كلام ويتُص
ولابيختص فى حرق الدم
عايزإعلام كيف؟وكم؟
----------------
إعلام فيه تعليم.مش سبق
ويقول كده أنا كلت النبق
نبــقى مـعـاه بــعـقـولنـا.ونَـبْـقْ
على تقاليدنا الراسخه أهم
عايز إعلام كيف؟وكم؟
-----------------
إعلام ناخد مــنــه نـصايـح
من غير قُبْح وذكر فضايح
فيه تدقيق فى اللفظ الرايح
للجمهور فى بيوته ياعم
عايز إعلام كيف؟وكم؟
------------------
إعلام لِيْه أساليب مبتكره
فى إستخدام أو طرح الفكره
مش صياد فى الميَّه العكره
ولابـــيـــزُق كـــــلام ويــــنــــم
عايز إعلام كيف؟وكم؟
------------------
إعلام هـــادف مـش بــيــضـُر
تـحـت مُسَمـَى ده إعلام حُر
واضـح.فـيــه شفافيه تــسُــر
خــالى مــن الإحــبــاط والـهــم
عايز إعلام كيف؟وكم؟
----------------------
إعلام كل وسائله دى حَرَصِتْ
على تقديم مايفيد واتوصت
والقى محاور للضيف مُنْصِت
مـــش ويـــاه نــتــجــرع ســـــــم
عايز إعلام كيف؟وكم؟
------------------------
إعلام فيه ذوق أنا مهووسه
مش مفروض ع الناس بفلوسه
ولامـمـلـوك لـفلول بتسوسه
ولا بــــيــــشَّــــــهـــــر ولابـيــذم
عايز إعلام كيف؟وكم؟
----------------------
إعـــلام داخــل كل بــيــوتــنـــا
بــقــى تـــقــريــبـاً كل حـيـاتـنـا
يعنى لابـُد يـراعى عـاداتـنــا
يــنـظـر للنـــاس نـظـره أعـــَّم
عايز إعلام كيف؟وكم؟
---------------------
أيوه حقيقى ياناس أناعاوز
إعلام صادق مش متجاوز
فنِّى وثـابـــت مش بـــقــلاوظ
مش متــفـــبـــرك ولا مــتــشـــم
عايز إعلام كيف؟وكم؟
----------------------
إعـلام بـالإخـلاص بـيـتـابـع
الأحداث ويكون له طابع
ضــد حـروب الجيل الرابـع
ولا للخــامس يــوم يـنـضـم عايز إعلام كيف؟وكم؟
--------------------
إعلام تفـضل رايته مُهابـه
ليها حدود وشروط ورقابه
بـيـقـدِّم لى بـــكل نـــجــــابــــه
اللى لــرفــعــة وطــنى مُتم
عايز إعلام كيف؟وكم؟
----------------------------------------------
الدكتور/
خالد عبدالحميد خربوش
من ديواني المعنون:
معنى كلمة شعر إيه ؟!
ليست هناك تعليقات:
إرسال تعليق