خَلِيكْ جَدَعْ
رغم الشقى رغم التَّعَب ْ
وإن الهموم جايبه الرُكَب
هتلاقي حلم بيتولد
هتلاقي ضحكة بتتوجد
بين الشفايف بتعاند الوجع
ورغم الوجع
هتلاقي فينا حَدْ جَدَع
حاضن إيديك
خايف عليك إنك تُقَع
ما القلب أبيض
مُشْ قَلب أسود كُلُّه بُقَع
ياما ناس بتحب ناس
ولو بِتُوب مَليان رُقَع
أصل المحبة مُشْ كَلام
ولا إني أصَبَّح واقول سلام
كُلْ الحِكَاية خَلِيك جَدَع
كلمات/ زكريا ضاحي توفيق
ليست هناك تعليقات:
إرسال تعليق