الغربة وياك شداني
محمد ضباشه
أنا وأنت يظهر ضدين
الضد مخالف للتاني
واحد غاوي الغرب لمين
وأنا شرقي لحبك واخداني
أقطف تمن الصبر دموع
وأصنع توب الحزن قلوع
لكن قربي اليك ممنوع
سهرني علي دمع أحزاني
أكتب لك علي الموج سلاماتي
وأبعت لك علي شوق حكاياتي
وأحلم بك في الحضن يوماتي
نتقابل علي طول حبيبين
علي شطك وبلاش شطين
وبلاش نفضل مختلفين
الأول يهرب م التاني
والتاني يغضب في ثواني
لما بقينا اكنين أغراب
والغربة لقلبك شداني
ليست هناك تعليقات:
إرسال تعليق