إبن مين فيها
قولى أنت إبن مين فيها
علشان آيه بتعاديها
والله البلد دى لو راحت
ما هتلاقى فى أى مكان
بلد تانى . زييها
إبن مين فيها
مش ممكن تكون عايش
من خيرها
ولا حتى شربت من نيلها
مش هيه دى
إللى كلنا بنغنلها
بلادى. بلادى.. لكى حبى وفؤادى
إبن مين فيها
مش دى إللى المفروض. نحميها
مش هيه دى
عرضك . أرضك
إبن مين قولى فيها
علشان ايه بتعاديها
وتحارب ولادها
وتهدر . دم رجال
عاهدوا . الله بالروح. وبالدم. نفديها
إبن مين فيها
استحالة تكون مسلم
او حتى تكون نصرانى
استحالة أصلاً
يكون عندك دين
أنت أكيد إبن ملاعين
ولا عندك انتماء
ولا تعرف قيمة الطين
دا. إحنا لو هنموت
مافيش حاجه هتفرقنا
ليوم الدين
مافيش حاجه هتفرقنا
ليوم الدين
.
الشاعر عبدالعزيز لطفى
ليست هناك تعليقات:
إرسال تعليق