بيسألوني
لو سألوني عن الأحزان
حقول ببساطة أنا معرفهاش
حتي إن جت سيرة الحرمان
أنا عن نفسي حقول ما بلاش
أسألوني عن هوايا ...وع.السنين
أسألوني حتعرفوا معني الحنين
مش كل عاشق في الهوي
يبقي اتظلم
أصل الجراح من غير دوا
تسبب ألم
أنسي الأنين...متقولش مين
مين قبلي حب.. وحبه عاش
...................................
لو سألوني إن كنت أنا شايفة
إن الحب دموع وعذاب
أنا مش حنكر.... إن أنا خايفة
إن عذابي.. يدق الباب
وحغير الموضوع........ وحفتكر الحنان
لا الذل ولا الخضوع ولا قسوة الإنسان
مش معني حبي إن أنا
ظلمت قلبي... وجنيت عليه
لو حتسيبونا... لوحدنا
حلاقي قلبي جوة ف.عينيه
مش بالسؤال ولا مين اللي قال
القلب حيرد الجواب
طارق عطية..شعر غنائي
ليست هناك تعليقات:
إرسال تعليق