روحي و لو روحي
كل شوي تزيدي جروح
مضّيع حالي بجروحي
شو قهرتي فيي هالروح
روحي ولو كنتي روحي
عمري قضيتو قلقان
اتعب حالي و ارضيكي
ليلية اقعد سهران
بدفوة روحي غطيكي
عيونك كحّلها و نعسان
هنوة غفوة اعطيكي
قلبي بخفاقو هلكان
وما رضيتك كلمة تبوحي
استحيي ع دمك معليش
خافي الله و افعالو
تمصي بدماتي اديش
الناس لشافوكي قالوا
يا طمعانة فيي ليش
لسانك عم يسبق حالو
عالدنية صعبان العيش
روحي تركيها و روحي
الله عاطينا قلبين
روحين بروح نصفي
و العمر نقضّي عمرين
ما المر جرارو نصفي
ما الحب نعيشوا بالدين
نبيع القيمة و العفة
ما بيكفي حالي بحالين
جزعي مكبّش بشلوحي
رامز عيد
جزيل الشكر و وافر التقدير و التحايا العطرة لمملكة الياسمين الادبية على نشر شعري المتواض في صرحها العريق و اخص بالشكر و الامتنان الدكتورة شاعرة الياسمين منى ضيا
ردحذف