رد الامانة
بالقلب سمعت الآهات
و الصرخات العليانه
بالروح نشدوا الآخات
بين ضلوع الورمانه
غطت بالارض الدمات
تزهر بالرمق القاني
بدموع الحرقة امات
تروي ولادا العطشانه
وحجار بيوت و عتبات
ولاد بتغمر عميانه
اشلاق بتملي ساحات
المسجد بابو لطخانه
لا زاير قاصد ركعات
شيوخ المجمع هلكانه
الآذان بترجع صدوات
الكافر خيي بايماني
فرقنا العادي بكلمات
سلبوا طفال الجوعانه
نشفّ حليب الدرات
ساح بدم البكيانه
وين الحاكم و القضات
بحق الشرع الانساني
وين القائد يللي بات
بعّد فلوسو البليانه
وينك يا رب الويلات
عطفك نظرك تحناني
صبّر بقلوب الدقات
النوم عيلنا وهماني
الارض نشقت بالهزات
ضحايا جهل و علماني
صرنا لكبوش الجمرات
روح لفينا حرقانه
رد لشعبك يللي فات
رجّعنا لدهر و تاني
بلكي تتحلى الشهقات
وتتجلى فينا الآيات
نعيش بألفة اخوان/ي
بالحق الدنية وممات
لا بطعن و ضرب نعاني
وتدمير الشعب بهجمات
بغية سلطة بعمران/ي
دفعنا هالعمر الدينات
مجبر بالغصب نفاني
لا شرعك حلل حالات
قايين لقتلو لهابيل
يللي جناتك ضاني
رامز عيد
٢٣/٠٤/٢٠١٦
ليست هناك تعليقات:
إرسال تعليق