بذار العمر**** بقلم راضي مشيلح

بذار العمر--من ديواني حفنة غزل
--------------------------------

كبار صرنا ومع سوا ربينا
وكِبْر الهوى فينا
ومن يوم كنا زغار رَسْمُوا ايادينا
دروب الهوا اسرار
وبالمسكبه متل الزهر مسْنا
نخبْي بذور العمر ما يئسنا
وهيك بدي المشوار
صار الصباح ان طل انعطِّر انفاسه
ودمع الندي لو هل
نرفع سوا كاسه
وطل الزمن غدار منا سرق اخبار
ملا الدني بالوشوشه
تا غار منا ال غار
وخبّى الشمس عنا وبالفي صفّيْنا
وصار الورق خِتيار وعالعتم كتيْنا
وقلوبنا ما عاد تفزع من حدا
ما دامنا بتراب ذات المسكبه
نحنا تركنا بذار
----------------------------
بقلمي راضي مشيلح