يا همسة شوق دفينا***كلمات الشاعر محمد كامل موسى إبراهيم

يا همسة شوق دفينا
ليت حظي مثل بزر نثروه 
بأرض خِصبة وبعد جهد حصدوه
بكل الأماني للحبيب وعدوه
بقدر القوافي من الشعر وصفوه
حبيب الروح نجاني بشذاه
مكنتش أقدر يجي يوم وأنساه
وأظفر باللي كنت بتمناه
رجع وقلبي يدوب في هواه
وأتمنى أقضي العمر معاه
مرت علينا أيام وسنين
وكان حبنا ممزوج بحنين
ومن فرحنا ياما غاروا اللايمين
كنا زمان اتنين عايشين
في الهوى دايبين
وإن يوم عَدْى واحنا مش حاسين
نسأل كانت الفرحة لمين
وف لليلة سهد وأنا سهران
ما بين الماضي وجنته حيران
لقيتني لنار قربه أنا مشتاق
ولا يوم يعْدّي وبينْا فراق
ولما شافوني في حضنه لاموني
سهرت الليل والسهد كحل جفوني
وطال الشوق والوجد سبل عيوني
أروح لمين يشجيني ويبدد ظنوني
أسأل عليك الزمان
يوصف لي أيه اللي كان
يالليل الشوق جفاني سنين
وقلبي ما داق غير فراق وأنين
أسهر وأنادي مين من العاشقين
يوصف لقلبي كان حبه لمين
ولا ده طبعه م الأسوة حزين
أعتب عليك يا زمن ولا ع اللايمين
اللي شافونا وبقوا يحسدونا
وخلوا حياتنا عذاب وأنين
لما نسهر يوم وحدينا
وقمر البدر ينور لينا
نقول يا همسة شوق دفينا
وخلي الفرح يسود لليالينا
نمرح في الدنيا ما تقضينا
ونقول يا موج البحر دارينا
وعلى شط شوق الهوى رسينا
وقول يا حب بارك خطاوينا
كلمات الشاعر
محمد كامل موسى إبراهيم