تاريخ وفاتك ******بقلم الشاعر البهنساوي

تاريخ وفاتك>>>>>>>>>>>>>>من ديوانى الجديد تحت الطبع \اسماعيل البهنساوى.................. شاعر ومؤلف اغانى 
ايه رأيك لوعرفت
تاريخ وفاتك
واللى فاضلك من حياتك
كام يوم او كام شهر
ياترى هتموت من القهر ؟
ولا هتجرى تعوض اللى فاتك ؟
أكيد هتجرى ع السجادة
وتعيش اللى باقيلك فى عبادة
وطبعا .. الناس اللى انت مخاصمهم
هتروح تصالحهم
اه والواد اللى انت ظلمته
ولا الصاحب اللى انت بعته
ياااه..ده فيه جنيه كمان
انت سرقته
الله الله ايه ده يا عم
ده الموضوع كله غم
ده انا قلبى طلع
شارب سم
ده فيه كمان صلة الرحم
والدم
اومال فى حياتى انا عملت ايه
استاهل عليه
اخوش الجنه
استنى استنى
هو امته تاريخ وفاتى ؟
اقولك ...
انا هأبدأ من دلوقتى
اعيد حساباتى قبل مماتى