عيد سناء *****بقلم طارق عطيه

عيد سناء

سيناء رجعت تانية لينا
من احلي واشهر اغانينا
شادية قالت ربنا يهدينا 
واحنا قلنا وراها امين

ياولادي ويا بقية اهالينا
اليوم عيد تحرير اراضينا
حافظوا عليها وحافظوا علينا
ده احنا كلنا مصريين

مين غيرها خيره بيدينا
من غير مايذل فى اهالينا
هي حاضرنا وهي ماضينا
من ايام هرم الفراعين

انتي ياهانم انت يا خينا
شبكوا ايدنا في ايد بعضينا
نبني نعمر ليها ولينا
امال مين حيجاهد مين

طارق عطية