يا مصر يااللي كتافك
شيلتي الجراح ياما
وأومتي تاني بعدها بتلملمي
توب السلامه
¥¥¥¥¥¥¥¥¥¥¥¥¥
ثورتنا كانت عشان اسمك
عشان رسمك
عشان تقفي علي قدمك
علشان ميجيش عليكي اليوم
وينزل من ع الشراع علمك
¥¥¥¥¥¥¥¥¥¥¥¥¥
ثورتنا كانت في العقول
فكره
كبرت علي اديكي وعاش
شعبك علي الذكري
يوم ما ضباطك واحرارك
في يوليو نزلوا في ميدانك
وعادو المجد لولادك
وزرعولنا عشان بكره
¥¥¥¥¥¥¥¥¥¥¥¥¥
يوم الشعب ما اختارك
وقام ثوره عشان اسمك
عشان الظلم مش ممكن
يدوق الشهد من صدرك
عشان انتي كنانه الله
فربي في الكتاب ذكرك
¥¥¥¥¥¥¥¥¥¥¥¥¥¥¥
أسفين علي الدم اللي سال
يا مصر سامحينا
علي دمعه نزلت من عنيكي
ف يوم علينا
لكن يا مصر بنوعدك
لهتفضلي فوق في العلالي
خلفتي شعب ميهزموش
ولا ألف عادي
شعب لابيركع ولا بيتزل
ولا عمروا يوم باس
عاالأيادي0
¥¥¥¥¥¥¥¥¥¥
بقلمي \شعبان ابراهيم
ليست هناك تعليقات:
إرسال تعليق