عايشاهابالالوان
/_/_/_/_/_/_/_
عايشاها بالالوان
وقاتلة جواكي الحس
واقولك.كفاية احزان
تقوليلي اسكت هس
ايه فايدة الاحساس
مادام عايشاها ملل
ياما.كانوا قبلك.ناس
اتمنوا يعيشوا الامل
وانتي جواكي النار
حالفة تقيدها ع الكل
عمال اقولك اشعار
ولساكي لقلبي تعل
مش لازم اكونلك كاظم
واسبسبلك الشعرتين
دنا اصلي خشن مش ناعم
ياام العنين ساحرين
لساكي علي ده الحال
حالفة تدوقيني المر
صبري مش قد جبال
ومسيره ينتهي بالعمر
بحايل فيكي كتير
وعاملك فيها حجازي
وبغني بكل ضمير
وتقولي اسكت يانيازي
عرفيني طلباتك ايه
لحسن خلاص شقيت
وقوليلي قلبك ليه
مش عايز يقول خفيت
تعبت من عيشتي قوووي
وحاسس نفسي بأموت
مش عارف اكون فهلوي
ولا عارف اكون مبسوط
ماتعيشي معايا علي لون
ونرتاح من تعبك خالص
وتقولي لكل الكون
اني علي قلبك حارس
معقولة بقي حرتاح
وانسي همومي واعدي
واشوف خدودك تفاح
واكون ذي انور وجدي
ولا حتقولي كلام
وتعملي عكسه دلوقتي
سيبك من الاوهام
وركزي ف قلبي وسعادتي
وسيبك من الالوان
وخليكي علي لون واحد
راح تبقي ليالينا جنان
واكون اسعد واحد
/_/_/_/_/_/_/_/_
محمدالباز
30/3/2016
ليست هناك تعليقات:
إرسال تعليق