رحل وقال هما يومين
والقلب رجفان عليه دوابه
بعتنا من المراسيل تلاتين
ماجابوا منه جوابه
القلب صلب ومتين
إتفتت لما الهوى صابه
قولي ميعادك مَتّْين
جنتي بعدك صابحه خرابه
وصيت عليه المِغَربين
يمكن يفتكر بمصر احبابه
عشقت ليه ياقلب مَغْرِبِيين
اهي مطلعتش قلوبهم رحابه
راح انشد رجعتك ليوم الدين
وع الربابه هحكي الحكايه
مايقلوا همي م الرجال سبعين
م الهم تقيله حموله معايه
عشانك معادي الردي والزين
وواخد في الحب أسبابه
صبحت لبانه بحنك الشامتين
قالوا مسكين فاتوه احبابه
مر على غيابك سبوعين
صدى صوتي بس معايه
حسبت يوم الغياب بتمانين
طلعت الايام مش كفايه
داريت الحزن جوا العين
ودَرّيت فرحي بمدرايه
إنفرط وإندفن فى الطين
وفي الحلق وقفت سفايه
طب صلي ع النبي الزين
إشرح لى....فى الروايه
نعرفوا الغلط جا منين
والعقل هسقيه شوية روايه
خلتني من المغابيين
وقلبي همد لاجل الضروره
غرقت فى الهوى مركبين
وضم الصدر من تانى قلوعه
أنت عدو ولا محبيين!!
أفعالك ماليها العجوبه
وحياة راس الحسين
أكسر على قلبي! ضلوعه
وقبل ما أدخل حزب المجانين
لافعل فعل ما منه رجوعه
لأخرجك م القلب باليدين
متفرقش مادام الروح موجوعه
حزب المجانين
مربعات واو صعيدي
جمال المصري
ليست هناك تعليقات:
إرسال تعليق