دوسي على ضهري
سدي لي يلا الجوع
سلمت أنا أمري
انا شجرة مالها فروع
جوعي بيصرخ لي
وليلي ما فيه شموع
بصرخ أنا في فضا
وصراخي مش مسموع
وبقول انا سؤالي
وانا كل قلبي قنوع
ليه بس انا اللي هزيل
قولولي ايه الموضوع
راح ادوس على قلبي
وابص في الصندوق
يمكن أشوف حلمي
يمكن ألاقي شروق
تشرق شمسي هنا
يمكن حياتنا.. تروق
يابياعين...... الكلام
يا محققين.. الأحلام
م تشوفوا حالنا قوام
هوا احنا في أي عصر
ولا في الألفية الكام
إبراهيم بدر عبدالله
ليست هناك تعليقات:
إرسال تعليق