(قصة حب ) بقلم محمود المزين

(قصة حب )

لا انا كنت شيخ
ولا ولى
ولا حبى كان يوم أولى 
انا كنت تييييييييت
عيل عبيط
جرب يحب ويفترى
عمره جرى
وفى وسط دقات الزمن
كان التمن
قلبه بهموم كان يتملى
يا صبايا م العمر اللى ضاع
أنا باعتذر
ما عرفتش أتلون خداع
قلبى خسر
وعشقت مرة بدون ضمير
كانت لغيرى
وكنت زير
ضحكتلى قلبى اشتاقلها
سلمتها القلب الكبير
وقفلت مية ترباس كمان
واديتلها وبس الأمان
دلوقتى اسمى حد كان
بعد أما كان اسمى الأمير
يا صبايا قلبى اللى انكسر
حب بضمير بالمختصر
وعشقت بنت من الخيال
وطلع محال كنت انتصر
وقتلت برضوا قلوب كتير
حبتنى عشقتنى بضمير
مين اللى ضحى ومين خسر ؟
انا مش هلوم ولا هنكسر
يكفينى يوم قلبى وصل
وعشقت حتى ولو خيال
ورجعت قلبى بيتعصر