ملك الأصفر تكتب ...

قصيدة عامية باللهجة الشامية المحكية ... بعنوان ... فتحتلا صدري ... بقلمي ...
.................................................
فتحتلا صدري اليوم
 وقلتلا تعي
قلبك بقلب القلب
 يا حلوة اقشعي
صوتك بقلبي هون
من لما خلق الكون
إنت نبض هالقلب
ودقاتو اسمعي
........................
حبك بقلبي نور
ورح يبقى نقي
وحتى ع نور الشمس
 رح تتفوقي
حبك بقلبي صار
حب كبير
يا حلوة الحلوين
بقلبي ترفقي
........................
حبك بقلبي شموع
عم تضوي ضوي
وإنت الفرح للروح
يا حلوة اشفعي
حاجة بقى تلويع
بكفي عذاب
حني ع قلبي
وكفكفيلي أدمعي
........................
إنت الأميرة
مرصعة بتاج الدهب
أميرة قلبي
عليي لا تترفعي
أنا إلك
يا حلوة ع طول الزمن
لا تبعدي عني
ولحصنك ارجعي
...............................................
ملك الأصفر