"" كدب اللي قال البنت زي الولد "" بقلمي .. معوض حلمي منشأة بطاش تمي الأمديد دقهلية

"" كدب اللي قال البنت زي الولد ""

ياسمك إيه

أول حرف ف إسمك إيه ..؟ 

حاجه غريبة بتسألي ليه ..؟ 

شايفك حواليا تطوفي 

أطوف لا لا لأ

دانتا يادوب يويو بكفوفي .. 

جاوب يالا بسرعة وقول

أول حرف ف إسمك إيه ..؟ 

أول حرف ف إسمي سعيد .. 

طب لما انت سعيد زعلان من إيه ..؟ 

أنا مش زعلان 

أنا بس بداري كسوفي .. 

ممكن أسأل بس سؤال

أو حتت كلمة تطمن خوفي ..؟ 

ممكن مش ممكن ليه 

إسأل ياعيوني .. 

إنتي اسمك إيه ..؟ 

زود تاء مربوطة لإسمك 

تلقى حروف اسمك 

ف حروفي .. 

صدفة وبس ماهيش مقصودة .. 

طب ليه مانتيش مكسوفة .. ؟

خير اللهم اجعله خير 

نايم لسه 

ولا دماغك صابها الدوخة .. ؟

هو انت عشان على طول مكسوف 

تبقى الناس زيك مكسوفة .. 

إصحى وفوق 

خليك ع الموضة .. 

البنت خلاص لبست برمودا .. 

وجينز مقطع وبلاوي سودا .. 

وتيشيرت يادوب شبرين واقطع .. 

وكتاف مكشوفة .. 

لا لأ صحصح 

أنا مش زيك على طول ملبوخة .. 

لساك برضة مصمم تكسفني .. 

عايز تعرف أول حرف 

ف إسمي .. 

أنا إسمي من نفس حروفك .. 

ممكن يابني تداري كسوفك .. 

أو تجري بسرعة على امك .. 

خليها تطمن خوفك .. 

خليها تطمن خوفك .. 

~~~~~~~~~~~~~

بقلمي .. 

معوض حلمي 

منشأة بطاش 

تمي الأمديد 

دقهلية