حقوق النشر محفوظة
---------------؛
تعالى شوفى
-------------؛
تعالى شوفى... شوفى حالى
ياللى السبب ... ف اللى جرالى
جرحتى قلبى ... وسهرتى عينى
يا عينى
فرحتي فية. .. يا عين عزالى
----؛
بقيت لوحدى ... وحدى غريب
تايه ما لية ... ياعينى حبيب
واللى بحبه ... ماهو قريب
سايبنى ليه ... للغربة ليالى
----؛
فايت لى قلبى ... ف ويل تعذيبه
بحلم بطيفه. ... يطفى لهيبه
طال المطال. .. ولا شافش نصيبه
ما حيلته إلا ... صبر امالى
----؛
لامتى يطول ... الهجر يا ليلى
والله ضاع .... العمر يا ويلى
بحلم بيوم .... يصفى ويجيلى
أفرح بقربه ... وأقول موالى
----؛
بكرة الأيام .... تضحك لية
وانسى عذاب ... الهجر شوية
وتبقى حياتى ... حب وحنية
ونقضى سوا. .. احلى ليالى
----؛
تعالى شوفى. .. شوفى حالى
ياللى السبب. .. ف اللى جرالى
فرحتى قلبى ... وريحتى عينى
يا عينى
طول ما انتى ... يا حلوة قبالى
----------؛
بقلم / عادل شعبان
ليست هناك تعليقات:
إرسال تعليق