لسة هانخد التار
*****************
بيني وبين اسرائيل تار
ما يمحيه ليل ولا نهار
ولا سنين مرت علينا
ولا ننسى اللي راح بالنار
نعم اخذنا سينا وردناها
ولسة القدس بإيد الاشرار
يفتكروا نسينا وعملنا سلام
واللي راح راح وعنه هنام
لا فوقي لنفسك لسة بينا تار
كل جيل راح يعلم اللي جاي
ونغني غنوة الحزن بالناي
وهنفكرك يوم اللقاء كيف
نسترد الكرامة من كل غدار
كل شهيد لسة دمه ينده علينا
وتاره لازم ناخده بادينا
وحياة دم الشهيد اللي راح
والدموع اللي نزفتها عنينا
والحزن لماغنينا عدى النهار
يا مصر فوقي لسة عدونا
قريب واقف على حدودك
وعينه على كل نعمة بايدك
وعلى نيلك بيبني سدود
وبقلبك بكل لحظة يولع نار
زمان غنى الأصيل وناح
بإيدك أوعى ينام السلاح
أوعى تغفل بيوم وتنام
وتنسى بعمرك نزف الجراح
لسة الليل فارد جناحه ع النهار
هزمناهم من سنين وعبرنا
وأخذنا منهم من زمان تارنا
لكن لسة ناويين يرجعولنا
يرجعوا لينا تاني الإنكسار
أوعاك يابني تأمن غدرهم
ولا تسلم بيوم أراضيك لهم
خلي بدمك دايماعزة بلادنا
ولا تشوف تاني غير العمار
مهما تعبنا ودقنا طعم المرار
الليل هيعدى ويرجع النهار
بوطن ملوش غير الانتصار
..........................بقلمي// يسري مطاوع
ليست هناك تعليقات:
إرسال تعليق