فين زمانك ؟؟
ـــــــــــــــ
فين زمانك ياحبيبتى
يا اللى عاشت بيكى طيبتى
والزمن أسى الولايا
وبدل شبابك وشيبتى
وراح اللى كنا بنقوله هايل
وباقى اللى خلاكى خيبتى
وانحنى شبابك المايل
أدام الدولار وبيقولك وطى
لأ والف لأ يابئر الخيانه
يا اللى ضيعت الأمانه
وبالسذاجه فرطت ف كرامتك
حبيبتى مش ممكن توطى
حبيبتى عايشه من زمان
من بداية الإنسان
تطوى وتعدى ف زمان
وداست على كل العدوان
باسوارجلها وقالواعفوك ياستى
ناوى تعيشنا فى مرار
وانت عابد للدولار
عاوز تولعها وتبقى نار
حاشر فى دماغك أفكار
بتنفذ خطة أعداءها
حبيبتى بالطيبة والوقار
ومجدها اللى كله فخار
ناوية ترفع الأستار
وتكشف محاولة الدمار
وتفضحك واللى أغروك بالدولار
لما تندم وتقول.. يامصيبتى
وتبقوا عبرة للدنايا
والهفايا لو جابوا سيرتى
جارعليها الزمن من زمان
لا انحت ولا طلبت الأمان
ولا ركعت لجبروت إنسان
ولا رضيت تنذل وتتهان
ولا قبلت هزيمة مهما كان
وولادها الحر الشجعان
بدمائهم حفظوالى حبيبتى
وانت النهاردة ياسنت الدولار
بدل ماتكون من الأحرار
وتقف معاها على الإستعمار
تبيغها وتخليها دمار
غشان ترضى عليك الفجار
تضحى بروحك فى انفجار
وتسيب اولادك فى مرار
غير الخزى وغير العار
حبيبتى عمرها ماتوطى
وبأمثالك حبيبتى بتضحى
وتتخلص من روح شريرة
عبدت التفاهة والحقيرة
والخيانه والحقارة
وحبيبتى رافعة رايتها
وبتحمى كرامتها وأرضى
وبتخلص من دود شرقان
فى جسدنا زى السرطان
وبيقتل فينا الإنسان
وبيقضى على أى أمان
وعاوزها نوطى ونطاطى
وانت أراجوز مطاطى
فرطت كرامتك وتموت واطى
وحبيبتى عمرها ماتطاطى
ليست هناك تعليقات:
إرسال تعليق