قلبي ليك مال* للشاعر الغنائي محمد عبد الفتاح

قلبى ليك مال ،،
ــــــــــــــــــــــــ
أنا قلبى ليك مال
وانشغل بيك البال
وحيرنى فيك الدلال
وأسرنى فيك الجمال
وسألنى كام سؤال
وغنالى كام موال
روق أنانى البال
واحلوت الأحوال
وعيونى بعتت لك المرسال
رديت عليا برمشك
والرمش كان قتال
خلا دموع العين
م الفرحة ع الخد سال
واحلوت الأيام
واشجينى بالكلام
صبحت حياتى حقيقة
بعد ما كانت أوهام
حتى الملايكه طافت
تبارك لى فى المنام
وخلت دنيتى جنه
فى الحقيقة والأحلام
ولنا عزولنا وصل
شهق وقال ياسلام
أتمنى تكون لياليكم
هجر وخلاف وخصام
والعشق يهرب بيكم
على بحر كله ملام
ويمحى كل مافيكم
م الشوق والهيام
ويطفى شموع لياليكم
والشمس تبقى ظلام
بس اللى انكتب م الرب
ياعزعز عيشينه تمام
باللحظه والثانية
حياتنا غرام ف غرام
وكل تمنياتك لينا
قلبت عليك بآلام
وكل سهم بشر
إترد ليك بسهام
واحنا حياتنا قدر
كتبه الإله بأقلام
لايمحيها جن البشر
ولانهايتها فى الأحلام
ولا شيطان الجن
عشان القدر سلطان
واللى انكتب فى القدر
عايشينه بكل أمان
وكل لحظه بيكبر
واحنا معاه بنكبر
حتى الصبر بينا
مالوش مابينا مكان