الصبر سيفٍ وان بغيناه مسلول*****بقلم ابو عزيزكندا

الصبـر سيـــفٍ وان بقينــاه مسلــول
وصبــري على جـاري تعـدا الهقـاوي

الجـار يارث جار انا جــاري الغــــول
جـــارٍ حقــــود وللرّجــــيمٍ مخـــاوي

عشنا مـآســـي بالأساطيــر لـه قـــول
وتبعثــــرنْ احــــــلامنــا و المنـــــــاوي

ما قــــط عرفنا لراحــة البـــال مدلـــول
ولا فرحــــةٍ الا و بأثرهــــــا نعـــــاوي

احـــــدٍ لقــو راسه عن الجسم مفصول
واحــــدٍ لقــى حتفـــه على يــد غـــاوي

واحـــدٍ على فقــــده مضـى حُولْ يحّول
واعيالــــه اتناظـــــر رواح الخــــــلاوي

الذنــب لانّــــه مستقيمٍ علـــــى طـــــول
ولا لـــه علــى ما قيــــل بلغـْـوْ الفتــاوي

غــــزلٍ تخلبــــص بيـن نقـضٍ ًومفتــول
والمشكلــة محــــدٍ علــى الفتـــل قــاوي

صرنـــا كمـا ضبيٍ على راس مكحــول
دونــــه اسباع وفــــوق راســـه نـــداوي

وضاع الوفـــا مـا بين ناكـــل ومنكــــول
وصـارت ثقافتنـــــا بضــرب المطـــــاوي

نــــاسٍ كمـا زيـــتٍ على النـار بايلــــول
ونـــاسٍ بعــــزّة نفـــسْ بــاتت خـــلاوي

ابو عزيز
-------