****** ابعدي عني وسبيني****
*******************************
قصيده للشاعر / على عبد الرازق صالح احمد // المعصره // الفتح // اسيوط // ت/ 2402204 //088 ********* القصــــــــــــــــــــيده ****
****************************************
ابعدي عني وسبيني
وانسي ما بينك وبيني
كنتِ حلم صدقيني
حلم ضيعلي سنيني
كنتِ اسطوره غرام
كنتِ رمز للسلام
كنتِ حب ملهش فى الدنيا مثيل
كنتِ قلبي ، كنتِ عقلي ، كنتِ عيني
والنهارده جاي اقولك ابعدي عني وسبيني
***********************************
انسي يوم ما كنت انا وانتِ حبايب
واسكتي ومتقوليش مين فينا عايب
كنت انا وانتِ روحين فى جسد واحد نعيش
وكنت فاكر ان من غير ، مش هقدر اعيش
وبعد ما عرفت انك بايعه حُبي
وبعد ما بان وانكشف المستخبي
كنت حاسس انك انت هتبعيني
والنهارده جاي اقولك ابعدي عني وسبيني
**********************************ا
كنت ليكِ شمعه بتنور طريقك
كنت خبز لمعدتك
كنتِ ميه تبل ريقك
كنت ليكِ طوق نجاه
كنت ليكِ ، اه واه
كنت حاضر
كنت ماضي
كنت متهوم
كنت قاضي
كنت بحر لما كان قلبك سفينه
كنت بر ، كنت مينه
كنت بمسح دمعتك لما اشوف دمعه حزينه
وبعد كُله بالرخيص انتِ تبعيني
انا النهارده جاي اقولك ابعدي عني وسبيني
**********************************
بقلمي // على عبد الرازق صالح احمد
ليست هناك تعليقات:
إرسال تعليق