نجم السما للشاعر الغنائي محمد عبد الفتاح

نجم السما ،،
ـــــــــــــــ
يانجم عالى فى السما
ودا مين يطوله؟؟؟
أنا روحى بيك متيما
يا ناس قولوله
عديت نجوم السما
ومافيش مثيله
ومن حسن حظى انا
قابلنى رسوله
باعت رساله معطره
فيها ميوله
وعشقه لعيونى انا
وموعد وصوله
ياناس حقيقى الكلام دا ؟؟
ياريت تقولو
مش صدمه ليا ولا
هنكر جماله
عشان حياتى متوقفا
لعرضه وطوله
وقلبى ممنوع م الصفا
إلا لنوره
وحتى لو نوره اختفى
أو حان أفوله
هعيش حياتى بأمل
تحين فصوله
حبه عليا انكتب
مهما يقولو
يادنيا فيكى العجب
زى الليل مايعشق حلوله
قلبى النهاردة اتولد
والعشق بالصبر نطوله
وعشقه فى قلبى للأبد
روحو وقولولو
وانا قلبى له باب واحد
باب دخوله
وقافل عليه للأبد
ومين هيفتحوله
والسعد للى اتوعد
مش للى يسهر الليل
بطولو