شباك الهوى*** شعر \ م.محمد الجوجري

شِباك الهوى ..... شعر / م . محمد الجوجرى
فتح الهوا شباكه
ولقانى مستنى
رمى عليه شِباكه
وراح مصطدنى
وفرد ورده وأشواكه
ونده عليه يخيرنى
ووقعت فى شراكه
و بجنته عشمنى
وبقيت من مُلاكه
وفى اشواقه دوبنى
ودورت فى أفلاكه
فتحلى بابه ودخلنى
وكتب اسمى فى أوراقه
وفى بحوره غرقنى
وبقيت من عشاقه
وجمال جنته توهنى
ونسيت لوعته وعذابه
وبنسيمه سحرنى
ومالقيت اللى يطببنى
وقابلت حبيبى فى رحابه
راح قبلى وسبقنى
وبقى واحد من أحبابه
وهو ده اللى صبرنى