لسه هدور الدواوير*** بقلم ابراهيم بدر عباد الله

لسة هتدور الدواير....ع اللئام
آه يا شعب جاتله عله...م المذلة
شعب مل من الظلام
لما بيبات كل يوم يحلم ببكرة
بس بكرة هاجر وسابنا...يا كرام

لما باعوا الوهم لينا باحتراف
قالوا بكرة نعيش في نعمة
بس عيشنا سنين ...عجاف
لما الديب والسبع يبقوا خراف

لما شوفنا القرد يرقص
واللي عامل فيها شاعر
واللي يلعب بالمشاعر
أصله نصاب بس ماهر

قالوا إن إبليس تاب واناب
كيف يتوب يوم الشيطان
أصله في النبي ياما عاب
شمسنا محجوبة ف الشروق
والقمر حاجزة..... الضباب

علم مكتوب في الدفاتر
بس صار الكل. ..كافر
شعبنا تايه في صحرا
حلمه مستنيه ف نشرة
المذيع ابن سلول
والمذيعة بنت داعرة

لسة هتدور الدواير ...ع الخسيس
اللي باع أحلام شبابنا..بالرخيص

شاب حافظ كلمتين بيغني بيهم
زغللوه بالفلوس جابوا قراره
خربوا داره
خلوا ليله صار نهاره
باع حياته وباع بلاده صار منافق
كان مؤمن بالقضية وعاملي واثق

جوا قلب القلب علة
مش لاقية شغلة
جوا عيني ألف دمعة
عاملة ......واحلة
جوا بطن الأرض شعلة
قايدة نار م النفاق والمجاملة

جوا بلدي خلق ياما بس جاهلة
خلق خسرت الرهان من زمان
جوا بلدي ناس تنابلة

اللي بيطلع لسانه يسقفوله
واللي يوم ينفخ جاعورته
يهللوله
خلق بتموت في المجاملة

ابراهيم بدر عبدالله