أميرة ،،
ـــــــــــــ
يا أميرة يا غصن البان
يانبض الروح والوجدان
يا وردة فوق الأغصان
يا نجمه فى ليل السهران
ياشمس نهار الإنسان
بجمالك يهدى الحيران
ودلالك دوب جدعان
ياسلام لنسيمك وعبيرك
خلانى عايش هيمان
وكلامك مرسوم بخريطة
رسمها أبرع فنان
وصوتك أجمل مزيكة
عزفها بلبل فرحان
وغناها فوق الأغصان
بإيقاعها رقص الكروان
يا أميرة ياروح الأحلام
يا موج البحر الحيران
وهدوئك وسط الشطآن
بيرسى قلب القبطان
على مرسى ثابت وأمان
ويعيش بوصوله فرحان
أنا قلبى ماليه الإيمان
وغير حبك مالهش مكان
أناعايش على سحروجودك
ولا لحظة أعانى النسيان
عليشه فى عيونى وف الننى
وف قلبى وف روحى كمان
لويرجع فكرك لماضيكى
هتلاقى ف طيفى التوهان
وهروبى من نفسى إليكى
يا ولحة فى كل الأزمان
أنا عهدى بيكى يا أميرتى
والنبض لقلبى وشريان
إسقينى ياحياتى شهدك
يارحيق الزهر فى بستان
ياجداول بالميه غديره
وصريرها يروى العطشان
يا فراشه والفرح مليها
وسعيدة وسط الأغصان
ياجمالك لما اذكر اسمك
وشعورى بروح الإمعان
بالحب وانا كلى سعادة
والراحة بقدس العبادة
ورجوع الشارد للأوطان
بحبك بكل مافيكى
ولامعنى فى سطربيحويكى
يا معنى جديد ع الوجدان
جمعنى المولى بحلاوتك
وحياتى فى جنة رضوان
واحساسى بوصفه وصفوها
تطول عمرالإنسان
وحاولوا علشان يلاقوها
تعبوا عقولهم ف التوهان
ورجعوا والقهر مليهم
وعاشوا حياة الحرمان
يا أميرة يانادرة ف وجودك
ياشمس وقمر الأكوان
ليست هناك تعليقات:
إرسال تعليق