اقوى من اﻷيام
والحلم مش هيموت
انا
عمرى اطول من الملكوت
انا اللى خلقنى جبار
كتب على الجميع الموت
لكن يوم الخلود
عمرى اكبر من عمر الموت
انا ابن الارض اللى حلفت
تقتل النمرود
وف بطنها تقتل الجبروت
انا ابن الوطن اللى عاشق
ايوه عاشق طعم الموت
يموت الموت
بكل سكوت
ويفضل حلمنا عايش
كما الملكوت
فى بسمة طفل
فى رعشة زهرة فوق غصن التوت
فى صبح نادي
فى عيون ولادي
ولاعمر حلمنا هيموت
عشان الحلم عمره
اطول من عمر الموت
مليار
وكم صرصار
عاملين بشر
والارض هى الارض
من كم مليار
وكم ظالم وكم جبروت
وفى حضن الارض
كلمة حق مش هتموت
اياك تقولى سكوت
بقولك
انا
بيخاف منى الموت
انا صنعة الخالق
لو مت مرة بكل سكوت
يموت الموت
ويفصل حلمنا عايش
اكبر من الملكوت
وتعيشى حرة يابلادي
ليست هناك تعليقات:
إرسال تعليق