دموع القلب
راجِع لحالي بليل كلو سطور
بكتب عليها حُب وِجداني
والدمع سابق حجارة المعبور
تعدعد نجوم القَهر سهراني
راجع وقلبي هم حِمل صخور
من نَطرة الاحباب وحداني
بقلبك يا قلبي موج كلو بحور
وصارت عيوني من الجفا سكراني
يطهوج ع الهَدا ع بيتها ع السور
حجارتو من دمعتي تحنان شرباني
وصارت الدفلات والورد والبخور
تطبطب ع كتفي بموال وغناني
وتقول يا وِلف ليش عم بتزور
مساكب الورد ع النبع دبلاني
وإن ما إجت ع الموعد المنذور
بيكون الوقت راح وهي نسياني
لا تلومها وخليك بَعد صبور
يمكن ع فرقتك بالغم غرقاني
لا تظلم الوردات والعصفور
ال طار ع وردها وهي تعباني
رَدت السجرات وطاقة البلور
لا تقسى عليها من الوجع حزناني
صارت الحرارة ع راسها بتفور
حُبك مريض ومن الفراق مرضاني
ليست هناك تعليقات:
إرسال تعليق