أغنية ///ليل الغربه
ليل الغربه ياقلبي...يدبح وبعدين يبداء يوجع...فى كل ليله وراها ليله بيسرق من عمرى غنوه...غنيتها أنت يا قلبي...بالألم فى حب بلدى
ورديت فيها أنا وراك...ونزلت من عيني بحرقه الدمعه...وأبات ونا راسي على مخده...بمسامير الفرئه...أستني بس نهار يطلع...ألاقيه لسه ليل وده فيه الضلمه غارقه...وطيف بلدى بياخد من قلبي حبه...أنادى وأصرخ
وأقول ما تسبيني ياغربه لبلادى أرجع...دى شوفت النيل والقعده على شط بحر هما اللى فى شرايني بالحياه جاريه...أضم فى حضنى أهلى وناسي...ورزقى عليه فى وسطيهم برضه ح أسعى...قليل بقى ولا كتير منا فى أحضانهم ح أدفى...وأيد ورا أيد على بابي عليا كل يوم ح تسأل
وأنتى ياغربه...سنين وسنين ماحد فكر يخبط على بابي ده أنا قربت أنسي...ولوحدى أنا وقلبي فى جوف الليل قاعدين نبكى وننعى...والنار فى الضلوع من فرئة أحبابي أيده...ده ليل الغربه يا قلبي...يدبح وبعدين يبداء يوجع...فى كل ليله وراها ليله بيسرق من عمرى غنوه...غنيتها أنت يا قلبي...بالألم فى حب بلدى...ورديت فيها أنا وراك...ونزلت من عيني بحرقه ...وناس الغربه عليا لما تشوفنى تايه تضحك...معلش يابلدى معلش...ماهما ما يعرفوش...ولا شموش عبير ترابك ولا شمسك لجلودهم لاسعه...ولا لونهم لونى ولا ميتك يابلدى يظمائهم كانت راويه...ولا شافو جدعنة أهلك...ولا طابور مدرسه والتلاميذ أيديهم لعلمك رافعه...وأصواتهم بأسمك بتنادى عاليه...ولا أنتباه وصفا وهما بيقولو...تحيا جمهورية مصر العربيه تحيا...تحيا جمهورية مصر العربيه تحيا...تحيا جمهورية مصر العربيه تحيا...ولسانى معاهم فى غربيتي بأسمها بيحلى...حتى لو كل العرب قالو لاء...ده ربك من فوق سابع سما...غصب عنهم برحمته الواسعه...وبشعبك يبلادى ح تحيا...فا...تحيا جمهورية مصر العربيه تحيا
ولا شافو فلاحه من شط نيلك لقلتها ماليه...بتشرب منها شهد مكرر و بتقول والله أحلا...ولا فلاح بيعزق بالفاس والساقيه وراه دايره...وخير سنابل أرضه طارحه وطالعه...ده العالم كله منه واكله...ولا عامل قدام أفران حديدوصلب العرق منه شرف وعزه...على جبينه تبان الهمه...ولا أم بترضع بالحنيه والدها...علشان يكبر ويكون فى شبابه لبلاده فايده...ولا جد ماسك فى أيده السبحه...ولا أب ماسك فى يده أبنه...ورجليهم على الكنيسه رايحه...ولا مأذنه جنب كنيسه والكل رافع أيده لربنا بيدعى...مصر تحلا وتحلا ح تبقى بينا أحلا
ليل الغربه ياقلبي...يدبح وبعدين يبداء يوجع...فى كل ليله وراها ليله بيسرق من عمرى غنوه...غنيتها أنت يا قلبي...بالألم فى حب بلدى
ورديت فيها أنا وراك...ونزلت من عيني بحرقه الدمعه...وأبات ونا راسي على مخده...بمسامير الفرئه...أستني بس نهار يطلع...ألاقيه لسه ليل وده فيه الضلمه غارقه...ليل الغربه ياقلبي
مع تحيات شاعر الوجدان الشاعر السكندرى/على الطاووس
ليست هناك تعليقات:
إرسال تعليق