حاولت أكتب كتير؟؟
بس معرفتش !!
يا خرابى ع الحوسه..
قالولى اعمل زار
أصل الكلمه
محبوسه
فضلت الف وأدور
وأحتست 100
حوسه
رحت لمنجم وحاوى
جه جنب منى ودار
جيت للعالم الجبار
دنا جى من
سوسه
تعالى بقا ياللى
كلمتك قال ايه
محبوسه
هعملك زفه وزار
هاتوا طبله وتار
ويلا نعمل الزار
وهخرجك م ال
حوسه
روح وهات بخور
بس م الجاوى
اوعى دنا الحاوى
ويخرج العفاريت
أصل انا مخاوى
الجن والعفاريت
اسبت بلاش تنطيط
لا حسن هولع فيك
تعالى هنا عندى
دا بخور م الهندى
تعالى خطى ودور
وعد سبع خطاوى
هنكشف المستور
والكلمه تطلع لنا
تخرج هنا ف النور
كلام كأنه صحيح
دا شغلهم تفريح
كدب وكأنه صحيح
اوعاك تصدقهم
يستنزفوا فلوسك
مهم بتوع تهيس
وانت مصدقهم
دا شغل حلق حوش
وكدبوا لو صدفوا
خليك مع ربك
وأحكيله على همك
تلقاه يشيل عنك
ولا حاجه تحصلك
إلا اللى مكتوب لك
خليك مع ربك
هوا يشيل عنك
ويزيل كمان همك
يارب يا جبار
يا عالم الاسرار
ارحمنا يا غفار
توبنا رجعنالك
يارب أقبلنا
توبه خلاص توبه
ولا دجل ولا تنطيط
والكلمه خرجت اهيه
ولا كانت محبوسه
ولا جن ولا عفاريت
ঔღঔ حـــسـ فكرى ـــام ঔღঔ
ليست هناك تعليقات:
إرسال تعليق