ساسه وناسه
بقلم . شحات خلف الله عثمان كاتب ومُحَامْ
هوه ليه كلمه الحق يا ولدى حراقه ....
هوه الزمن ولا الناس عاشقه الديابه.....
مال الزيف فتح كل ابوابه......
والشرف أعلن للملأ من زمان حداده.....
خطه رسمها شيطان والعهر بابه....
صوت الحق بيختفى واتقفلت ابوابه....
ملعون ابو العهر وأسبابه......
البلابل بتسكت والْغُرابْ عِليتْ أصواته ....
العيب مش فى زمن ضاقت بيه حياته.....
العيب فى انسان فقد من زمان صوابه.....
العيب فى عاشق الذل من ساسه لرأسه .....
وبيحلم بيوم تكون فيه احلامه أساسه .....
احساس الظلم عَشْشّ وكشر أنيابه ...
والعدل ضاع فى زمن فقد ناسه رأسه .....
أه يا ولدى على اللى عشق هوى ساسه ....
ونِسـي إن العدل فوق راسه ونبراسه .....
أنسي كنت مين يا اللى همك مين ساسه ....
وأفتكر إنك بترسم مستحيل على ناسه .....
اخلع لباس الخانعين وشيل متراسه ....
وافتح أمل واشعل شمعة نور ناسه .....
هدف الخاطرة:-
التخلى عن العصبية القبليه ومناصرتها فى الظلم والبعد عن الحقيقه ومحاربتها حتى يستمر الجهل والتخلف تحت ستارها مرتديا عبائتها دون التدبر فى واقعية ومستقبل أفضل .
ليست هناك تعليقات:
إرسال تعليق