أبو عزيز كندا يكتب (( طفل يأسي ))

طفل يأسي
--------
حبست الدمــع ليـن الدمــع مــلْ العيـن وصبيّــة
وعذلــت الـروح عن طـــرد السراب بلهفة الظامي

بــــذرت البيــــد بفْتــات الامــل واحــــلام ورديّـــه
وجنيــت اللاّش بانواعـــه وتكسّر خاطـر أيّـــامي

عشقت اهموم خلـــق الله وخذيت احزان عاريـّـــة
وتصـوّرت الفـــرح  دمعــة يتيـــم تعثّــر اقــدامي

كبــر فيني طفــل ياســي شبيه احفـــاد جنيّــــة
يلوعني علــى كيفــــه  وتجاهــل هشـة اعظامــي

انــا الجانـي انــا المجني عليـه مــن الزمن ديّــــه
انــا الحرمـان خـاواني وتسلـى بلهفــــة اهيامـي

انــا قطعـــة مشاعـر بالـدروب السّـــود مرميّــــه
انا قــوس الظهــر شوفـه يشـوّه كيـــف هندامـي

بعدنــي بالوفـــا وافـــي بعدنـي صافـي النيّــــــة
على أطراف الصبر باقـي وخايف عضَـة ابهامي

ابو عزيز
------