أيام وبتعدي
لما الدنيا بتدي بتاخد
أكتر ماهي دايما تدينا
فرح وحزن ماكلها واحد
وأهي أيام بتعدي علينا
لو حنحاسبك شوفي يادنيا
عدي الليل اللي سهرناه
شوفي كام حلم حلمته في ثانية
وباحزانك تجري وراه
عمري.شبابي.شوق علي بابي
تاهت من الاحزان خطاوينا
...........................
لو جت مرة نسيتي الفرحة
بتعدي الصبح وتخديها
لو فستان وعروسة وطرحة
بدموع عينك تملي عنيها
لو مرة الأفراح شدتني
وأنتي عملتي نفسك ناسية
ألقي دموعي اوام بكتني
ما انتي بطبعك صعب واسية
ليه معنداني .ناسية حناني
ليه تخلي الأحزان تواسينا
..............................
لو دق الحب في يوم بابي
ألقي ايديكي تسك الباب
ليه بيهون في الود عذابي
وتقولي أنسي الحب عذاب
لو شفت الضحكة علي شفايفك
تقولي بدمع العين حرويها
ليه تتداري طب ما أنا شايفك
ولا الفرحة خلاص مش ليها
مش في خيالي.ولا علي بالي
تنهي خصامك وتصالحينا
طارق عطية...شعر غنائي
ليست هناك تعليقات:
إرسال تعليق