-------بحبك يا سمره. .
بحبك يا سمره
برغم الوجع ورغم الآهات
ورغم الأنين ورغم البعاد
بحبك يا سمره
بحبك ولحبك فى قلبى حكايات
بحبك وحبى مليان بالعناد
وهدور عليكى فى كل الجهات
هدور عليكى لغيط ما لاقيكى
ولا يمكن هسيبك لحد الممات
بحبك يا سمره
بحبك لأنى رويتك بدمى
بحبك وكلامى مش قاصد عتاب
بحبك يا سمره وهدور عليك
هدور عليك ف كل الجهات
مع أنك يا سمره سبتينى بهمى
و سبتينى أضيع ايام الشباب
ودبحتى طموحى
وحلمى اللى داب
وبرده بحبك
بحبك رغم عنى كحبى لامى
وهدور عليكى لحد الممات
تعالى ياسمره كفايه عذاب
تعالى يا سمره طال العياب
لقيتك
لاقيتك يا سمره
لكن لاقيتك عايشه ف حانات
وشربه خمره
وكسره حاجات
قومى
قومى يا سمره
قومى وثورى
وكفاية سبات
كافيه غياب كفايه عذاب
كفايةممات
اصحى وياللا نفضى الثياب
لا يمكن هسيبك
اصحى وقومى وانسى اللى فات
لا يمكن هسيبك تانى للافات
تأكل حصيدك وأرضى بالفتات
اصحى
اصحى وشاورى ورينى اللى سارقك
وسبى وتفى
وحياه اللى خالقك
وذكرك
يا سمره
ف أشرف كتاب
لاكويهم بنارك ويشوفوا العذاب
اصحى واقومى ورينى اللى جلدك
وسجنك وفقرك
شاورى وقولى بلاش تلفى وبلاش تدورى
خافى إللى خالقك ما تخافى العباد
ورينى اللى هرب فلوسك لبره
وشوفى يا سمره
ايه العقاب
انتفضى وقومى وثورى وحسى
وحسى يا سمره كفيانا عذاب
هدور عليكى ف كل الجهات
وهاتعودى يا سمره أم البلاد
بحبك يا سمره
بحبك لكنى عندى عتاب
مش عادله ف القسمه بين الولاد
رافعه اللى سارقك وضاحك عليكى
وخافضه اللى خايف رب العباد
وناسيه اللى فاهم مش مداله اديكى
وواخده ف إيدك شرار العباد
وواحد بيأكل من قلب الذباله
وواحد بياكل حقوق البلاد وحقوق الولاد
وواحد حاول من أرضك يهاجر
ركب ف بحرك وغرق ومات
وواحد بيملك من ارضك بلاد
اصحى يا سمره
قومى وثورى وسبى وتفى
ياللا يا سمره كفياك غياب
وارجعى يا سمره
أم البلاد
بحبك يا سمره(وائل عمر)
ليست هناك تعليقات:
إرسال تعليق