خالد عبد الحميد خربوش يكتب (( يا عم بيرم ))

قــصــيــدة   :  {  يــــاعــــم بــــيــــــــرم   }

للدكتور/خالدعبدالحميدخربوش
•••••••••••••••••••••••••••••••••••••••••

ياعم بيرم دا أي شاعر

                                     جه بعد منَّك

دخل عبايتك وعاش كلامك

                                        وحب فنَّك

تشده روعة جمال سطورك

                                         وظبط وزنك

سواء بخاطره أو غصب عنه

                                        ماحادش عنَّك

على كل شاعر الشعر جعلك

                                        قانون  و  سنَّك

                      يا عم بيرم  

*********************************

ياعم بيرم سابق زمانك

                                      ده إنطباعنا

بدون نصايحك في كل شعرك

                              يبقى أحنا ضِيْعنا

حروف كلامك دي من مقامك

                                      بأحلى معنى

وعظ ونصايح ونقد رايح

                                       لمين خدعنا

كإنك إبن عروس يابيرم

                                 وباقول.....كإنَّك

                          يا عم بيرم

***********************************

أنا باقولها بأعلى صوتي

                                       وقدِّ قولي

ومش ح ينكر ياعم بيرم

                                  غير الوصولي

اللي بقى لُه لسان بينطق

                                 قال وسَّعُوا لي

كلامه خايب وتلقى عنده

                                          بَلَه مغولي

ولما تسمع أو تيجي تقرأ

                                          كلام يجنَّك

                          ياعم بيرم

……………………………………………………………

الدكتور/
خالد عبد الحميد خربوش

من ديواني المعنون:

معنى كلمة شعر إيه ؟!