قصيدة خروف العيد
=========
خروف بلية بيدعى دعاء يجعل حياتكو صفاء وهناء
ويقول تحية للاصدقاء بصوت وعالى ماء ماء ماء
انا الخروف مذكور اعلاه فى عيد ضحية باقول الاه
انا ضانى يعنى فيا سمين كوليسترول ودهون طالعين
وخلوا بالكوا يا مستمعين هى شهادة ليوم الدين
بياكلونى درة وبرسيم ويقولوا عايزينك تبقى تخين
واقول لهم ده عندى رجيم يقولوا لى طز الناس عايزين
انفخ وبقلظ بوزن كبير وراح يدفعوا دى فلوس وكتير
اضحك واقول فل وياسمين للى حايدفع فيا كتير
وفى النهاية انا المسكين بيدبحونى كفدو عظيم
وتحية ليكو يا مستمعين بلية بلدى ولحم كتير
وقرونى حلوة وعاجبانى انطح بيها اللى شرانى
وفروتى فيها كترة صوف بيفرشوها لاى ضيوف
وريشى تشويها بفحمة وتقول عليها اكيد فخمة
وخلوا بالكوا من كتر دهونى والعيد سعيد بس على عيونى
وادعى لكم تبقوا كده حلوين وكل سنة وانتم طيبين
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون
ليست هناك تعليقات:
إرسال تعليق